Dul-an 1,000 ka mananagat sa Cordova nakadawat og hinabang

CEBU, Philippines — Niabot ngadto sa 835 ka mananagat sa Lungsod sa Cordova kinsa naapektohan sa padayong pagtukod sa ikatulong taytayan ang gihatagan og hinabang.

Ang maong mga manangat gikan sa Barangay Cogon, Dapitan, Pilipog, Ibabao ug Day-as diin matag usa kanila gihatagan og lima ka kilong bugas ug mga delata sa lungsod.

“This is to supplement the days that they were not able to continue their livelihood because of the ongoing construction of the Cebu Cordova Link Expressway (CCLEX) or also known as the 3rd bridge”, tipik sa facebook page sa lungsod.

Ang Cebu Cordova Link Expressway Company (CCLEC) mohatag usab kini og financial assistance ngadto sa mga naapektohang mananagat.

Giingong ang mga tag-iya og bangka makadawat og tag P5,000 nga hinabang samtang ang operators sa bangka makadawat og tag P2,500 nga hinabang.

Gawas sa maong pinansiyal nga hinabang makadawat usab sila og tag usa ka sakong bugas.

“This is also in relation to the assurance that the CCLEC gave to these affected fisher folks due to the embankment of soil and ongoing such project”, laing tipik sa post sa facebook page sa lungsod.

Si Herbert Laboy, bise presidente sa CCLEC ug project manager nipresentar kini sa gisugyot nga bag-ong docking site sa mga bangka ug dredging sa sapa alang sa mga mananagat.

Gisaad sa kompaniya nga maminaw sila sa yangongo sa mga mananagat nga apektado sa padayon nga construction.

“The CCLEC proposed a box culvert so they can still pass through once the construction of the 3rd bridge is complete. He also introduced the new docking site which will be located near at Cordova- Pilipog bridge”, dugang pamahayag sa LGU.

Ang pag-apod apod sa hinabang gipahigayon kini niadtong Lunes diha sa Barangay Polipog. /BDB (BANATNEWS)