Cebu City Jail dunay bag-ong warden
CEBU, Philippines — Cebu City Jail Dormitory sa Barangay Kalunasan aduna nay bag-o nga Jail Warden human gibalhin na sa rehiyon 12 sa Gensan si kanhi Jail Warden Col. Julius Arro.
Matud pa ni Arro, ang pagbalhin niya ug laing lugar subay kini sa iyang umaabot nga promotion nga kinahanglan iyaha nga buhaton.
Ang nihulip kang Arro mao si Supt. Jose Rusylvi Abueva gikan sa rehiyonal nga buhatan sa Bureau of Jail Management and Penology BJMP.
Dugang pa ni Arro, Octobre 21 siya hingpit nga nibiya sa City Jail human sa usa ka tuig ug lima ka adlaw nga pagdumala sa maong facility.
Gipasigarbo ni Arro, nga bisan ug wala niya hingpit mawagtang ang problema sa jail facility apan iyaha kini nga nakunhuran.
Mapasalamaton siya sa lokal nga pangagamhanan, sa mga kauban niya sa ahensya ug sa ilang mga partner agencies nga nitabang kaniya.
Gipasigarbo usab ni Arro nga zero case sila sa covid-19 atol sa iyang pagbiya. /MEL (BANATNEWS)
- Latest
