4-anyos nakuryentihan namatay

CEBU, Philippines — Patay ang usa ka 4-anyos nga batang babaye human aksidenteng nakahikap sa nagbitay nga livewire samtang kini nagduwa-duwa sa kasagbotan diha sa ilang dapit sa  Sitio Mowag, Barangay Guadalupe bukiran nga bahin sa Dakbayan sa Carcar.

Matud pa ni Police Master Sergeant Von Tecson, Desk Officer sa Carcar City Police Station nahitabo ang insidente alas dos kapin sa hapon apan alas singko y media sa hapon na kini nataho sa kapulisan. Ang mga ginikanan mitug-an sa kapolisan nga naputol nga linya sa kuryente tungod sa dautan nga panahon ang nakapatay sa ilang anak.

Ang bata giingong nagduwa anang tungora sa dihang nakahikap kini sa linya hinungdan sa pagkakuryente niini ug nakaingon sa iyang kamatayon. /IBM (BANATNEWS)