PWDs sa Bohol gipadad-an og hinabang ni Sen. Bong Go
CEBU, Philippines — Mokabat 256 ka mga residente sa Bohol ang nakadawat sab og hinabang gikan kang Senador Christopher “Bong” Go sa duha ka buwag nga operasyon diha sa Tagbilaran City Hall Atrium sa Tagbilaran City ug sa Carmen Cultural Center sa lungsod sa Carmen, diin mahimutang ang pamosong Chocolate Hills.
Sa Tagbilaran City, 100 ka benepisaryo ang natabangan ug sila mga persons with disabilities (PWDs) samtang ang uban mao kadtong wala gyud makadawat og ayuda gikan sa gobiyerno panahon sa pandemiya.
“Ngayon sa panahon ng pandemya, hindi kami titigil na tumulong sa inyo, lalo na’t mahirap ang buhay ngayon at mahirap maghanap ng kabuhayan dahil sa krisis na nangyayari dulot ng COVID-19,” dugang pa sa senador.
Naglakip sa gipanghatag ni Go ang mga pagkaon, masks ug face shields. Sama sa gipanghatag niya sa mga Sugboanon pipila ka semana na ang nakalabay, dunay pinili nga gihatagan sab og bisekleta aron dunay magamit nga pangtransportasyon karong wala pa mobalik ang operasyon sa mga pasaheroan.
Dugang gipanghatag sa senador mao ang mga tablets alang sa mga piniling benepisaryong tinun-an aron ilang magamit sa ilang blended learning.
Giawhag niya ang mga tinun-an nga seryusohon ang pagtuon aron dili mausik ang paningkamot sa ilang mga ginikanan.
Kauban sa grupo sa senador ang mga taga Department of Social Welfare and Development nga nanghatag sab og financial assistance.
Giawhag sab niya ang mga PWDs pagduaw sa Malasakit Center diha sa Gov. Celestino Gallares Memorial Hospital sa Tagbilaran City aron makapangayo og medical ug financial assistance. Giusa diha sa Malasakit Center ang DSWD, Department of Health, Philippine Charity Sweepstakes Office ug PhilHealth aron sayon silang maduol sa mga nangkinahanglan. – IBM (BANATNEWS)
- Latest
