COVID-19 update: Cebu City nadugangan upat ka kaso
CEBU, Philippines — Anaa nalang sa 211 ang coronavirus disease (COVID)-2019 active cases sa Cebu City base sa datos sa Department of Health Central Visayas.
Ang Cebu City dunay 10,196 total cases sa COVID-19, human nakatala ang siyudad kagahapon og upat ka mga bag-ong kaso sa virus. Naa sab sa 9,307 ang recoveries sa siyudad ug 678 ang deaths.
Mandaue City dunay 2,537 total cases sa COVID-19, 76 niini ang active case, nakatala sab ang siyudad og upat ka bag-ong mga kaso sa virus.
Nakatala sab sila og 14 ka dugang nangaayo, ang siyudad adunay 2,301 recoveries ug 160 deaths. Samtang ang Lapu-Lapu City dunay 2,447 total cases sa COVID-19, 138 ang active cases. Napulo ang bag-ong kaso sa COVID-19 nga natala sa siyudad anang adlawa. Ang recoveries sa Lapu-Lapu City naa sa 2,206 ug 103 ang deaths. Sa datos sa DOH-7 ang Central Visayas dunay 21,955 total cases sa COVID-18, 906 niini ang active cases; 19,720 ang recoveries ug 1,329 ang deaths.
Samtang ang Dakbayan sa Talisay subay sa Oktubre 21 nga datos nakatala nalang og lima ka mga aktibong kaso human way nadugang nga bag-ong kaso apan dunay usa nga naayo.—Le Phyllis Antojado, Gabriel Bonjoc/IBM (BANATNEWS)
- Latest
