170 ka street dweller na-rescue sa ikaduhang hugna nga operasyon
CEBU, Philippines — Nipahigayon og laing hugna sa rescue operation sa mga street dweler ang kagamhanan sa Dakbayan sa Sugbo uban sa kapolisan kagahapon sa kadlawon.
Ang Cebu City Anti-Mendicancy Office, Prevention Restoration Order Beautification Enhancement (PROBE), Department of Social Welfare and Services(DSWS), Cebu City Environmental and Sanitation Team (CESET) nidala sa mga na-rescue sa halfway house diha sa Barangay Tejero, Dakbayan sa Sugbo.
Niabot ngadto sa 170 ka indibidwal ang na-rescue sa ikaduhang hugna sa rescue operation.
Si Cebu City Mayor Edgardo Labella nagkanayon nga padayon ang siyudad sa pag-rescue ug evaluation sa mga street dweller.
Kadtong mga pwedeng ibansay i-refer sila ngadto sa Department Manpower Development and Placement aron ipaubos sa livelihood training program.
Kadtong dili mapaubos sa training ihatud sila sa ilang mga panimalay sanglit kasagaran sa mga na-rescue residente sa Cebu City ug adunay mga panimalay.
Kadtong mga gikan sa laing probinsiya makig-alayon ang siyudad sa mga opisyales sa Local Government Units aron mahatud ang mga street dweller sa ilang mga lugar nga gigikanan. Rowena D. Capistrano/BDB (BANATNEWS)
- Latest
