15 tunghaan gigamit pa gihapong isolation center
CEBU, Philippines — Moabot nalang 15 ka mga tulonghaan sa Central Visayas ang gigamit nga isolation center sa mga nagpositibo sa Covid-19 sumala pa ni Department of Education Director Regional Director Salustiano Jimenez.
Matud pa ni Jimenez, aduna gihapon mga tunghaan nga gigamit nga isolation centers isip quarantine facilities sa mga LGUs nga walay kabutangan niadtong mga positibo sa COVID-19. Aapan 15 nalang kini gikan sa 3,875 tibuok Central Visayas.
Sumala pa ni Jimenez, kadaghanan sa mga isolation center ang giuli na sa mga local government unit sa DepEd.
Dugang pa ni Jimenez, ang maong mga isolation centers gisiguro sa mga LGUs nga na-disinfect ug luwas gamiton sa mga magtutudlo karong nagsugod na ang distance learning.
Gitug-an ni Jimenez, tanan mga tulonghaan luwas nang balikan human kini nagamit nga isolation ug quarantine facility. /IBM (BANATNEWS)
- Latest
