Mayor Sitoy miapelar para sa taga Cordova

CEBU , Philippines — Niapelar si Cordova Mayor Mary Therese "Teche" Sitoy Cho ngadto sa 456th  Fiesta Sen~or executive committee nga iapil ang lungsod sa Cordova sa motorcade procession sunod tuig.

Kini human nga sa inisyal nga plan sa komitiba sa Translacion motorcade alang sa 456th Fiesta Señor sa 2021, wala nag apil sa Cordova

“In behalf of the people of Cordova, I respectfully appeal to the Task Force created to plan alternative activities, specifically the Translacion motorcade for the 456th Fiesta of the Senor Santo Nino de Cebu to reconsider your decision of excluding Cordova this year from the route of the motorcade procession,” matud ni Sitoy-Cho atol sa ika-lima nga Sinulog Security Meeting niadtong Oktubre 15, 2020 sa Aula Magna Conference room sa Basilica Del Santo Nino Pilgrim Center.

Sa post sa official facebook page of the Local Government Unit sa Cordova, ang Mayor nagkanayon sama sa uban, ang mga taga Cordova grabe sab nga naapektohan tungod sa pandemya dala sa coronavirus disease (covid-19) ug gani ang uban nawad-an og paglaum.

Dugang ni Sitoy-Cho ang pag-agi sa imahen ni Sr. Sto Niño sa ilang mga panimalay makatabang kini sa mga Cordovahanon nga mapalig-on ang ilang pagtoo taliwala sa nasinati karon nga kalisod.

“A visit of the image of our beloved Senor is already a great reminder that God is always with us and will not forsake us; his visit to Cordova will bring hope and inspiration for Cordovanhons to continue to fight and look forward to better times,” matod ni Sitoy-Cho. Atol sa tigom niadtong Oktubre 8, 2020 ang Cebu City Disaster Risk Reduction Management office (CCDRRMO) officer-in-charge nga si Harold Alcontin nipakita sa inisyal nga route plan nga wala nag apil sa Cordova human ang ilang team nihimo og drive-thru inspection sa proposed nga rota sa 456th Fiesta Sen~or sa Santo Nino de Cebu motorcade.

Ang rekomendasyon mao ang 16-kilometro nga rota nga magkinahanglan pa og pagtugot sa Inter-Agency Task Force (IATF).

Si Sitoy-Cho nisaad nga sa komitiba nga gipangulohan ni Cebu City Councilor Philip Savior Zafra nga ang LGU sa Cordova na ang modumala sa security ug crowd control kun mouyon ang komitiba sa hangyo sa mayor.

"I pray for a positive action on this humanitarian appeal,” matud sa Mayor . Ang motorkada gikatakda ni sa Enero 14, 2021.