Kawani sa Cebu City Hall sikop sa buy-bust
CEBU, Philippines — Kawani sa siyudad sa Sugbo nga nagsilbing secretary sa Chairman sa Office of The Mayor sa Local School Board naapil sa mga nadakpan atol sa buybust operation sa mga sakop sa Provincial Intelligence Unit kagahapon sa kaadlawon diha sa Brgy. San Vicente sa Lungsod sa Liloan.
Ang operasyon gipangulohan ni P/Lt. Col. Randy Korret subay sa impormasyong ilang nadawat kabahin sa operasyon ni Cielo Carampatana Abella 31, kinsa naa sa provincial drug watchlist.
Gidakop sab ang iyang kauban nga silang Chilo Roy Luchavez Dumaguit ,38; Abnier Duen~as Batoctoy, 38; ug Hanna Nin~a Mirafuentes Dela Cuesta, 35, taga Brgy. Labangon, Cebu City.
Si Dela Cuesta nakuhaan og ID nga giisyu sa Cebu City Hall nga nagpakitang nagtrabaho kini isip secretary sa Chairman sa Local School Board.
Matud pa ni Korret nga tulo ka semanang gimonitor ang grupo ug gialegar nga si Dela Cuesta maoy tigdala sa mga drugas.
Nakuha gikan sa mga dinakpan ang 25 gramos nga gidudahang shabu nga mokantidad og P170 mil ug usa ka puti nga Suzuki Landy van nga dunay temporary plate number 090803.
Ang mga dinakpan pasakaan og kasong kalapasan sa Sec.5 Sec.11 Art.2 Ra 9165. /IBM (BANATNEWS)
- Latest
