71 armas gitahan sa Talisay
CEBU, Philippines — Miabot sa 71 ka loose firearms ang boluntaryong gitahan sa mga Talisaynon ngadto sa kapulisan sa Dakbayan sa Talisay niadtong Lunes sa hapon subay kini sa pagsanong sa publiko sa Oplan Balik Armas nga programa sa kapolisan. Si Police Major Gerard Ace Pelare, pangulo sa Talisay City Police Station ang mga tawo nga naghupot og armas nga walay mga dokumento mahimong itahan nga walay kaso nga ipasaka batok kanila.
Si Police Brigadier General Albert Ignatius Ferro, direktor sa Police Regional Office (PRO-7) nagkanayon nga usa kini ka paagi aron mamenosan ang krimen sa dakbayan. Si Ferro uban ni Mayor Gerald Anthony “Samsam” Gullas Jr. maoy nipresentar sa kinatibuk-ang armas nga gitahan sa mga taga Talisay. Si Gullas misaad nga magpadayon ang iyang suporta sa mga programa sa kapulisan. /IBM (BANATNEWS)
- Latest