PROBE: Way nasikop nga violators sud sa mga sam-ang

CEBU, Philippines — Gibutyag  sa hepe sa Cebu City  Prevention, Restoration, Beautiful, and Enhancement (PROBE) nga si Raquel Arce nga  wala gyu’y quarantine violators sa mga sementeryo sukad sila nag-alerto niini niadtong September 26.

Kahinumdoman gipabantayan ni Mayor Edgar Labella sa kapolisan, barangay tanod, ug mga sakop sa PROBE ang sementeryo sugod sa nahisgotan nga petsa. Matud pa ni Arce nga nituman ra gyud sa health protocols ang mga tawo nga niduaw sa ilang mga minahal sa kinabuhi  pinaagi sa pagsul-ob og face mask , pagdala og quarantine pass ug pagmintinar sa social distancing.

Nasayran nga gipatuman usab sa mga sam-ang ang one -entrance- exit alang sa mga gate niini.

Sirado ang sementeryo gikan sa Oktubre 29 hangtud sa Nobyembre 4 busa napanglantawan nga sa laing petsa gipaabot ang pagdagsa sa mga tawo.

Una na nga nagkauyon ang mga administrador sa mga sementeryo nga wala unay pasuga sa mga sam-ang karong tuiga ug did-an gyud ang pagpasulod sa mga senior citizen.

Dunay pagahimoon nga clearing operation sa sam-ang sa Carretta karong adlawa ug nga gidili ang pagpamaligya sulod sa mga sementeryo aron dilli magdasok ang mga tawo. /MEL (BANATNEWS)