Clearing operation gipahigayon sa Hipodromo

CEBU, Philippines — Gipahigayon sa Prevention Restoration Order Beautification Enhancement (PROBE) ang clearing operation diha sa Barangay Hipodromo.

Ang clearing operation gihimo diha sa Sitio Cahipa ug Sitio Riverside diin gihawanan sa mga estraktura nga nakababag sa dalan.

Matod ni Hipodromo Barangay Captain Ruperto Bacolod nga kini gitumong aron kasugdan na ang ilang proyekto nga concreting sa dapit ug matubag ang panginanglan sa mga tawo nga nasunugan sa lugar niadtong 2017 sama sa kuryente ug tubig. Sigon ni Kapitan Bacolod, hantod karon wala pa sila’y kuryente ug tubig ug gikinahanglan sab ang exit road sa lugar. Matod sa pangulo sa PROBE nga si Raquel Arce i-establisar nila ang dalan sa Sitio Cahipa tungod kay usa man kini sa road lot ug dunay proyekto niini ang barangay.

“Unfortunately, dugay nani nga proyekto, panahon pa ni sa previous administration, unya gisugdan na unta ni namo, nahunong, naabtan sa election karon gipadayon nato pagbalik kay as you can see, aduna lay pipila lang nga nagpahimulos sa maong sitwasyon pero adunay daghan anaa sa sulod unsay mahitabo kung dili gihapon nato maabli ang dalan, ang karsada so daghan ang makabenepisyo sa among ipahigayon nga clearing operation”, pasabot ni Arce. /MEL (BANATNEWS)