42 quarantine violators gipamulta

CEBU, Philippines — Moabot 42 ka mga tawo ang nadakpan sa hiniusang operasyon sa mga tinugyanan sa kapulisan ug kasundalohan sa Lungsod sa Minglanilla batok sa mga malapason sa Inter Agency Task Force Protocol bisan ug ubos na sila sa Modified General Community Quarantine.

Kadaghanan sa mga nadakpan kadtong mga residente nga nanggawas nga dili pa ang ilang schedule sa barangay ug quarantine pass, wala magsul-ob og facemask ug face shields, wala mag-obserbar sa social distancing, naglatagaw sa kagabhion bisa’g curfew na ug nag-inom sa mga pampubliko nga mga lugar.

Ang 42 ka mga nadakpan gidala sa Minglanilla Police Station ug gipapauli ra human nakamulta og P500 nga kalapasan sa Executive Order No. 31, Series of 2020 sa lungsod.

Matud pa ni Police Capt. Arvin Hosmillo, ang hepe sa Minglanilla Police Station padayon ang pagpatuman sa mga restriksyon subay sa MGCQ protocol. /IBM (BANATNEWS)