Tabang sa mga negosyante gilusad sa kapitolyo

CEBU, Philippines — Aron pagtabang sa mga kabus ug sa mga nag-antos na nga gagmayng negosyante sa lalawigan, ang Probinsya sa Sugbo, nilusad sa gitawag og micro-enterprise assistance program nga gigahinan ug P100 million.

Kini pinaagi usab sa pakig-alayon sa Deparment of Trade and Industry lakip na sa Mandaue Chamber of Commerce.

Ang patigayon kinahanglan i-establisar kini sa Probinsya sa Sugbo ug ang aduna na daan gagmay nga negosyo, mamahimong makaapil sa maong programa apan kinahanglan anaa ra kini ang lokasyon sa probinsya sa Sugbo.

Kadtong mosulod og trading, kinahanglan ang produkto nga ibaligya gama gikan sa Sugbo ug dili gikan sa gawas sa probinsiya o gawas sa nasod.

Aduna ni tulo ka category, ang “Negosyo Padayonon” o ang category A diin mahatagan og og P50mil nga grant. Ang category B mao ang “Produktong Sugboanon” kon diin P20mil usab nga kantidad sa materyales ang ihatag sa kapitolyo. Samtang P10mil usab nga grant ang ihatag alang sa mga mahulog sa catergory C o ang “Mga Serbisyo ug Ginagmayang Patigayon.

Si Gobernador Gwendolyn Garcia nihulagway nga dili maayo ang niaging unom ka bulan sa Probinsya sa Sugbo tungod sa pandemya kon diin ang Sugbo gipaubos sa community quarantine nga niresulta sa pag-ubos sa ekonomiya.

Ang mga gusto mo-apply mamahimong maodto sa Facebook page sa mga board members o sa buhatan sa bise gobernador alang sa application form. Mamahimo usab nga makuha kini sa mga social welfare office sa lungsod ug syudad o sa barangay ug ang aplikasyon molungtad ni hangtod Oktober 31, 2020. /MEL (BANATNEWS)