19 anyos sikop sa buy-bust operation

CEBU, Philippines — Nasikop sa Station Drug Enforcement Unit sa Labangon Police Station ang gikonsiderar nga high value individual (HVI) sa gipahigayong buy-bust operation Dominggo sa Gabii diha sa Sitio Sto. Rosario Barangay Labangon Syudad sa Sugbo.

Ang dinakpan giila nga si Roy Bilocora Galacio Jr. 19 anyos nag puyo sa maong dapit.

Suma pa ni Police Captain Jonathan Dela Cerna ang nangu sa operasyon nga si Galacio makabaligya og 100 ngadto sa 200 gramos nga shabu matag semana ug duha ka semana nila kining gipanid-an.

Nakuha sa posisyon ni Galacio ang nagkadaiyang pakete sa gidudahang shabu nga mo- timbang og 50 gramos nga mo balor 340,000 pesos.

Samtang sa laing bahin, mokabat sa onse ka tawo nga nagpahigayon og tigbakay ang nadakpan diha sa sitio Kimba, Barangay San Roque, Dakbayan sa Talisay niadtong Dominggo sa hapon.

Ang mga nadakpan mao sila si Rodel Lasdoce Labandera, 34 anyos; Eugine Bartulata Sordilla, 28 anyos; Rhenbie Suson Mayoca, male, 34 anyos; Rochelle Pin?ero Abaquita, 42 anyos; Rambo Sumalinog Hiyas, 32 anyos; Ernesto Bayarcal Navaro, 61 anyos; Roy Pulvira Durano, 56 anyos; Raymund Formentera Wenceslao, 45 anyos; Tashio Borres Claros, 60 anyos; Romaldo Ambaw Lenares, 62 anyos ug si Fernando Imperial Gonzaga, 61 anyos.

Suma pa ni Police Major Gerard Ace Pelare, pangu sa Talisay City Police Station, nakadawat sila og report labot sa ilegal nga kalihukan ug sa ilang pagronda naglumba sa pagpanagan ang mga tawo nga nagtapok ug 11 ka sugarol ang ilang nadakpan.

Ang mga dinakpan gibalhug sa bilangguan ug gikatakdang pasakaan og kaso. – Gabriel C. Bonjoc/MEL (BANATNEWS)