Pagsagop og iro, gi-awhag sa DVMF
CEBU, Philippines — Ang pagsagop og mga iro maoy usa sa pamaagi sa maminosan ang mga libod suroy nga iro sa kadalanan.
Mao kini ang gibutyag ni Dr. Jessica Maribojoc, ang in-charge sa Animal Health Division sa Department in Veterinary Medicine and Fisheries (DVMF) sa kagamhanan sa Dakbayan sa Sugbo.
Suma pa ni Maribojoc nga duna sila’ y mga iro nga gipang-impound ug ilaha kini nga ipasagop aron makabaton kini og pamilya.
“Ang dogs nga atong ipasagop kay naka-vaccine na, ug ato na nga gi-check ang ilang kondisyon,” suma pa ni Maribojoc.
Tungod sa community quarantine, gilusad sa DVMF ang free delivery alang sa mga sagopon nga iro ug ipaagi nila og online ang aplikasyon alang sa gusto nga mosagop og iro.
“Kun daghan ang managop, mominos usab ang mga iro sa kadalanan. Angayan gyud sila hatagan og saktong pag-atiman, “dugang pa ni Maribojoc. /MEL (BANATNEWS)
- Latest
