Landslides nasinati sa Barangay Manipis

CEBU, Philippines — Gidid-an una ang mga bikers, ug mga mag- jogging sa pag-adto sa Barangay Manipis sa Dakbayan sa Talisay.

Kini gumikan sa padayong pagdahili sa yuta sa nahisgutang barangay.

Si Kapitan Joselito Laurente nagkanayon nga matag karon ug unya mokalit lang ang pagdahili sa yuta sa nagkalain-laing sityo sa ilang barangay.

Hinuon nagpasalamat lang si Laurente tungod kay walay mga tawo ug panimay nga naapektuhan sa mga midahili nga yuta sa bukirang bahin.

Si mayor Gerald Anthony “Samsam” Gullas Jr. nisira sa maong karsada alang sa mga bikers, mag jogging ug sa mga mosuroy lang aron nga kalikayan ang disgrasya.

Matud pa ni Gullas nga ilang agdon ang kahimtang sa panahon sa dili pa nila buksan ang bukirang bahin.

Apan mahimo ra nga makaagi ang mga motorista alang lang gyud sa pagbiyahe. /MEL (BANATNEWS)