Mga vendor sa Carbon Public Market i-swab test
CEBU, Philippines — Nakigtagbo si Konsehal Joel Garganera, Deputy Chief Implementer of Inter-Agency Task Force (IATF) Emergency Operations Center (EOC) Cebu City sa mga manindahay sa Unit 1 ug 2 sa Carbon Public Market kagahapon sa udto.
Ang tigom gipahigayon diha sa gym sa Barangay Ermita diin matud ni Garganera nga nadugay ang ilang surveillance sa Carbon Public Market tungod kay giingong adunay misunderstanding sa klase sa test nga pagabuhaton.
Giingong rapid test ang himuon ngadto sa manindahay apan giklaro ni Garganera nga PCR swab test gyud ang himuon.
Nasayran nga nagkauyon sila nga ang tanang vendors nga adunay units nga moabot sa 1,000 ipaubos tanan sa swab test ug ang mga permanent ambulant vendors nga 1,000 usab ang ipaubos usab sa test.
Usa sa mga concern nga gipaabot sa mga manindahay ang lockdown kon ugaling adunay magpositibo sa COVID-19 ug nabalaka sila sa ilang mga baligya nga madaot.
“So we’re going to device a means on how to go about it which is I will explain that to them murag Bayanihan ni nato, well mao ni giingon ba kani our health safety is primordial but I’m not going to let them choose between lives and livelihood they have to co-exist, if naa man mahitabo ani we are trying to device a scheme nga ma dispose gihapon na ang ilahang mga tinda especially the perishable.”,pasabot ni Garganera.
Tinguha sa kagamhanan sa Siyudad sa Sugbo nga sa sunod semana masugdan na ang pagpaubos sa mga vendor sa swab test. /BDB (BANATNEWS)
- Latest
