DPWH giawhag pag-imbestigar sa substandard nga riprap
CEBU, Philippines — Lain na sab riprap ang nahugno tungod sa padayong pagbunok sa uwan dinhi sa Dakbayan sa Sugbo nga epekto sa bagyong Leon nga padayong nagdagan sa West Philippine Sea.
Gani sa Sitio Sto. Niño, Barangay Kasambagan ning siyudad nahugno ang ang riprap sa sapa.
Si Konsehal Jerry Guardo, Chairman sa Committee on Infrastructure miingon nga base sa ilang inspeksyon walay kabilya ang desinyo sa maong riprap nga sa iyang tan-aw substandard pagkahimo.Nasayran nga proyekto ubos sa Department of Public Works and Highways ug duha ka tuig pa lang kini gikan nahuman. Gihangyo ni Guardo ang DPWH paghimo og imbestigasyon sa maong proyekto.
“As far as I know bag-o lang kuno ni ang contract, bag-o lang kuno ning riprap wall unya how come ingon ana na ang resulta? Nibigay this has to be done immediately nakita nato at risk ang mga tawo, ang mga balay affected dihang dapita,” ni Guardo pa. Si Engineer Geronimo Rigor Capariño sa DPWH mipasabot sa desenyo sa maong riprap ingon man sa ilahang findings pagkahugno niini.
“Ang nahitabo man gud ani kani siyang structure nato existing tapos amo lang siya gi-face wall gibutangan lang namo og additional nga concrete nga 100mm. Tapos (ang) findings namo ani tubig ana niagi sa luyo mao na nakita man ninyo nga napadahili ba,” si Capariño pa.. /IBM (BANATNEWS)
- Latest