Resulta sa contact tracing

CEBU, Philippines — Nakatala na sab og daghang bag-ong kaso sa novel coronavirus disease ang Cebu City base sa datos sa Department of Health Central Visayas niadtong Septiyembre 16.

Ang Cebu City nakatala og 41 ka mga bag-ong kaso ug mao kini ang labing taas nga kasong natala sa siyudad sukad sa pagpatuman sa Modified General Community Quarantine.Apan si Mayor Edgardo Labella miingon nga usa sa mga hinungdan sa pagsaka sa mga kaso mao ang massive contact tracing nga gihimo sa siyudad apan di kini angay ikaalarma.“We expect this tungod kay we never put our guards down, we continue with the massive contact tracing and testing for us to be able to eventually fight or succeed this battle against this virus,” ni Labella pa.

Matud sa mayor nakita niyang mituman gyud minimum health protocols ang mga tawo apan duna lang gyuy pipila nga wala na gyud mosunod niini nga kinahanglang pitolon sa buhatan ni Cebu City Police Office Director Police Col. Josefino Ligan.

“As I’ve said let us not be complacent, lets continue, it is always adapt the attitude that we are not even on MGCQ, naa ‘ta sa ECQ after all if you say quarantine, if you look at the meaning its stay home and you are only to go out for buying of essential goods and commodities,” dugang sa mayor.

Sa laing bahin, usa ka Lungsod sa Boljoon nga gikan sa Cebu City ang giingong napositibo sa maong sakit.  Ang maong 24-anyos nga asymptomatic taga Sitio Kalimang, Barangay Poblacion sa maong lungsod ug kanhi nagtrabaho sa Basak San Nicolas uban sa iyang kapuyo ug anak babaye.

Ang swab test niini gipahigayon niadtong Septembre 7 ug nigawas ang resulta niadtong Septiyembre 11, 2020. Negatibo hinuon ang kapuyo ug anak niini sa swab test. Rowena Capistrano/IBM (BANATNEWS)