80 ka sakyanan na-clamped tungod sa illegal parking

CEBU, Philippines — Nikabat ngadto sa 80 ka sakyanan ang na-clamped sa Cebu City Transportation Office (CCTO) atol sa ilang gipahigayon nga operasyon diha sa Barangay Apas ug Lahug.

Matud ni John Paul Amores, public information officer sa communications and electronics sa CCTO nga tungod sa daghang reklamo nga nadawat sa ilang buhatan kalabutan sa illegal parking matag gabii diha sa nahisgutang duha ka barangay hinungdan nga nipahigayon sila og operasyon.

Ang nahisgutang  80 ka sakyanan nakahimo kini og night illegal parking gikan diha sa Nivel Hills-29; 6th Street. Apas-2; Veterans Drive-10; GMA-8; 7th Street. Apas-7; San Miguel Apas-1; 4th Street. Apas-1; 5th St. Apas-1; Busay-8 ug Mahayahay Apas-4;.

Si Amores nagkanayon nga wala sila magkuwang og pahimangno sa katawhan nga dili magpataka og parking sa ilang mga sakyanan ilabina sa panahon sa kagabhion.

Ang CCTO nagpahigayon usab kini og rekorida aron sa paghatag og pasidaan diha sa barangay.

Ang CCTO niawhag na usab kini sa katawhan nga dili magpataka og parking sa ilang mga sakyanan aron kong adunay mga emerhensiya nga motumaw dili maglisod sa pagsulod sa lugar ang mga emergency responder. /BDB (BANATNEWS)