209 ka personnel ug PDL sa MCJ gipaubos sa drug test
CEBU, Philippines — Kapin sa 200 ka personnel sa Mandaue City Jail (MCJ) ug person deprived of liberty (PDL) ang gipaubos sa drug test kagahapon.
Sa maong gidaghanon 70 niini ang personnel sa MCJ ug 139 ang PDL kinsa parehong negatibo sa paggamit sa ginadiling drugas.
Ang nahisgutang drug test gipahigayon kini diha sa male dormitory ug gipangulohan ni Dr. Cepriano Flores sa Dangerous Drug Board (DDB) ug Department of Health (DOH)-7.
Ang kadagkoan sa Bureau of Jail Management and Penology (BJMP) moay nagpasiugda niini nunot sa ilang hiningusgan nga kampaniya sa paglikay sa kalambigitan sa ilegal nga drugas sa ilang mga personnel ug PDL.
"The drug testing activity intensifies the campaign of this unit against the possible involvement among personnel and PDL to illegal drugs”, matud ni Flores. /BDB (BANATNEWS)
- Latest