COVID-19 UPDATE

CEBU, Philippines — Isla sa Sugbo gamay ray natala nga kaso Dako kaayo ang pagkubos sa gidaghanon sa mga bag-ong natalang positibo sa COVID-19 ang tibuok isla sa Sugbo nga gipangunahan sa siyudad sa Sugbo, Mandaue, Lapu-Lapu ingon man ang Cebu Province. Base sa datos sa Department of Health Central Visayas ang Cebu City, Mandaue City, Lapu-Lapu City ug Cebu Province nakatala og lang og 9, 3, 4 ug 7 ka mga bag-ong kaso niadtong Lunes sa gabii Septiyembre 14.

Makita sa datos sa DOH-7 nga ang total cases sa Cebu City naa sa 9,750 diin 356 niini ang active cases.  Dunay 37 ka dugang recoveries diin ang total recoveries sa siyudad sa Sugbo naa na sa 8,732. Usa sab ang natala nga namatay ug ang total deaths sa siyudad naa sa 662.

Samtang ang Manadue City adunay total cases sa COVID-19 nga 2,330 diin 249 niini ang active cases. Nakatala sab sila og napulo ka dugang recoveries diin ang total recoveries nila naa na sa 1,954 ug ang total deaths naa sa 127.

Ang siyudad sa Lapu-Lapu ang total cases naa sa 2,253 diin 187 ang active cases. Ang total recoveries sa siyudad naa sa 1,974 human nadugangan sila og duha ka recoveries, nagpabilin sab sa 92 ang total deaths.

Sa datos sa DOH-7 niadtong Lunes ang COVID-19 cases sa Central Visayas naa sa 19,798 diin 1,474 niini ang active cases; 17,105 ang total recoveries human nadugangan og 100, ug 1,219 ang total deaths.

Sa kinatibuk-an, 27 ra ang nadugang nga kaso nianang adlawa sa tibuok Central Visayas. Gawas sa Sugbu, upat sab ang nadugang sa Bohol. (BANAT NEWS)