Most wanted sa Talisay nasikop
Cebu, Philippines — Sulod sa duha ka tuig nga pagtago-tago nadakpan na gyud ang number one most wanted sa Dakbayan sa Talisay.
Ang nasikop mao si Aljun Bacus, hingkod ang panuigon nadakpan diha sa Barangay Mambaling, Dakbayan sa Sugbo pinangulohan ni Police Major Gerard Ace Pelare, hepe sa Talisay City Police Station.
Si Pelare nibutyag nga pipil ka semana nilang gipanid-an si Bacus sa wala pa nila kini masikop.
Dala sa grupo ni Pelare ang warrant of arrest batok kang Bacus nga giluwatan ni Regional Trial Court (RTC) Judge Jacinto Fajardo sa Branch 66.
Gibutyag usab ni Pelare nga si Bacus diha kini nagtago-tago sa iyang mga paryente.
Nasayran nga kaniadto si Bacus nakig-inom sa drayber sa traysikol nga si Vergelio Pebte hangtud nga nagkabikil silang duha giingong gisukmag dayon gidunggab ni Bacus si Pebte.
Si Bacus natingkagol karon sa detention cell sa Talisay City Police Station. (BANAT NEWS)
- Latest
