COVID-19 update: Cebu City naapil sa clinical trial sa vaccine
CEBU, Philippines — Gihangop ni Cebu City Mayor Edgardo Labella ang tinguha sa Department of Science and Technology kon DOST nga ilakip ang siyuad sa mga lugar sa nasud nga adunay ipahigayon nga clinical trials sa novel coronavirus vaccine.
Matud pa ni Labella maayo kining balita ilabi na nga daghang mga residente dinhi ang natakboyan sa maong sakit ug usa ang siyudad sa mga nagpaabot sa maong bakuna.
Si DOST Secretary Fortunato Dela Penia sa usa ka balita nitug-an naka identify na sila ug labing minos walo ka mga zones diin himoon ang eksperimento.
Ang unom ka zones didto sa Metro Manila, usa sa Calabarzon, ug usa sa Cebu. Ang mga taga IATF maoy posibleng mopili og lugar diin himuon ang clinical trials ug giingon nga kini himuon sa dunay daghang kaso sa COVID-19. Padayon nga nikunhod ang active cases sa coronavirus disease sa Central Visayas bisan pa man nga 101 ka bag-ong kaso ang natala base sa Septiyembre 10, 2020 nga datus nga gipagawas sa Department of Health (DOH-7).
Ang mga bag-ong kaso natala sa Cebu City (28), Lapu-Lapu (2), Mandaue (9), Bohol (1) ug Probinsya sa Sugbo (61).
Ang active cases sa Central Visayas niabot na sa 1, 600. Samtang recoveries, nadugangan og 112 hinungdan nga 16, 780 ang nangaayo.
Ang cumulative case sa covid-19 sa Central Visayas niabot og 19, 593 kon diin 1, 213 ang namatay. Le Phyllis F. Antojado/IBM (BANATNEWS)
- Latest
