Pipila ka sakop sa TF Kasaligan gi-isolate
CEBU, Philippines — Pipila sa mga sakop sa Task Force Kasaligan nga giporma sa Cebu City Police Office ang nakitaan og impeksyon sa dugo human sila gipaubos sa rapid test sa dili pa sila i-deploy sa mga barangay aron motabang sa pagpatuman sa minimum health protocols sa siyudad.
Matud ni Cebu City Police Office Director Police Colonel Josefino Ligan nga niadtong Huwebes niagawas ang resulta sa rapid test sa mga miyembro sa taskf force ug nasuta nga 49 sa 177 ka sakop niini ang dunay impeksyon.
Tungod niini, 128 lang mahimo na nga i-deploy sa mga barangay. Sumala pang Ligan, ang 49 nga nahibilin nigawas nga IGM positive ug duna sab IGG positive hinungdan nga gi-quarantine una sila kini ug mo-report og balik karong petsa 21.
“Ang katong upat naay IGG negative gyud, then IGM positive meaning naay infection pero we subjected them for swab test today while they are awaiting sa result ato sa sila i-isolate didto sa Vicente Rama kadtong upat,” sigon ni Ligan.
Ang 128 ka mga sakop sa task force gi-deploy na sa tulo ka police stations ilabi na sa Station 4 kun asa nahisakop ang Barangay Apas nga giingong daghan og bag-ong mga kaso sa COVID-19.
Ang task force gitahasang maoy mobadlong ug kun dili mopatuo modakop niadtong mga malapason sa quarantine protocols nga mga residente sa lugar diin sila gidestino.
Matud pa kining mga barangay diin sila gibutang nakita subay sa contact tracing wala kaayo mo-obserbar sa minimum health standards sama sa pagsul-ob og face mask ug social distancing ang mga molupyo.
“Katong 128 nga nag negative sa rapid test deploy dayon nato sila so 128 considerable number so ato sila gi divide to three stations, station 4, station 10 and station 11 so they will be reporting there for a week after that i-rotate na pud nato sila mainly for rekorida patrol sa dalan,” dugang ni Ligan. /IBM (BANATNEWS)
- Latest