Lalaki napalgang patay, gituohang nalumos
CEBU, Philippines — Patay ang usa ka tawo nga gituohang nalumos diha sa Pulangbato Wharf sa Dakbayan sa Bogo.
Si Police Master Sergeant Joel Pino sa Bogo City Police Station miila sa namatay nga mao si Calvin Tinaro, hingkod ang panuigon nga nagtrabaho isip wilder sa usa ka trucking company sa maong siyudad.
Matud pa ni Pino nga ang biktima nga giingong dili kahibawo nga molangoy ang nag-inusara lang nga naligo sa maong dapit nga kantilado ug walay nakakita sa pagka-unlod niini.
Si Pino miingon nga napalgan na lang si Tinaro nga walay panimuot ug gidali kini sa pagtabang sa mga molopyo. Gidala kini pagdala ngadto sa Bogo Provincial Hospital apan gideklarar kini sa mga doktor nga patay na nga nahidangat sa maong tambalanan. /MEL (BANATNEWS)
- Latest