BOC mikita og 2.2 milyones sa gi-auction nga bugas
CEBU, Philippines — Mokabat sa 2.2 milyones ka pesos ang kita sa Bureau of Customs Port of Cebu sa ilang gipahigayon nga public auction, Lunes sa buntag Septembre 7, 2020.
Ang maong kita naggikan sa mga nasakmit nga shipment sa bugas. Sa nasayran niadtong miaging buwan nakasakmit ang BOC og mokabat sa P147.7 milyones nga balor sa mga smuggled items.
Sumala pa ni Ronald Morillo, Auction Chairman, magpadayon ang gihimo nilang pag-disposed sa mga forfeited nga mga butang aron usab maminusan ang mga kargamento nga nagtapun-og sa pantalan.
Si Morillo, maoy mi preside sa auction nga gipahigayon sa multipurpose hall sa port of cebu custom house. Ang BOC Port of Cebu padayon nga hugot nga mibantay sa tanang mga kargamento nga mosulod dinhi sa sugbo. /MEL (BANATNEWS)
- Latest
