Pag-panghatag og cash aid sa Mandaue hapsay ra

CEBU, Philippines — Hapsay nga napahigayon ang pag-apod-apod sa unconditional cash transfer (UCT) ngadto sa mga beneficiary sa 27 ka barangay sa Dakbayan sa Mandaue.

Ang maong cash assistance gihatag sa nasudnong kagamhanan pinaagi sa Department of Social Welfare and Development (DSWD).

Si Atty.John Eddu Ybañez executive secretary ni Mayor Jonas Cortes, miingon nga nahimong hapsay ang pag-distribute sa maong tabang pinansyal gumikan usab pag-abag sa kapolisan sa Mandaue City Police Office (MCPO), City Disaster Risk Reduction and Management Office (CDRRMO) personnel, ug mga sakop sa Barangay Public Safety Office (BPSO).

Ang sangang buhatan sa Landbank nga nahimutang haduol sa Mandaue City Hall maoy nag apod-apod sa maong cash aid.

Suma pa ni Ybañez nga hugot usab nila nga gipatuman ang mga health protocol sama sa pagsul-ob og facemask ingon man social distancing sa katawhan nga mikuha sa hinabang pinansyal. /MEL (BANATNEWS)