Kontraktor nga gipasanginlang mimolestiya’g menor gikasohan

CEBU, Philippines — Gipasakaan na og kaso kagahapong adlawa  sa Cebu City Police Office (CCPO) ang freelance contractor nga gipasanginlang nang-molestiya og mga menor de edad nga iyang amigahon.

Ang gipasakaan og kaso diha sa korte mao si Jose Nuñes Baylosis Jr.  kinsa nag-atubang karon og kasong kalapasan sa RA 9208 (Anti-Trafficking in Persons) as amended by RA 10364 (Expanded Anti-Trafficking in Persons).

Kahinumduman nga gidakop si Baylosis sa hiniusang pwersa sa  CIU, WCPC,WCPD og DSWD nga pinangulohan ni City Director CCPO PCol. Josefino Ligan alas 12:10 Domingo sa kaadlawon diha sa San Carlos Heights, sa Barangay Quiot Dakbayan sa Sugbo.

Si Ligan nanawagan sa uban pang posibleng nabiktima ni Baylosis nga modangop ilang buhatan aron mapasakaan og dugang pang mga kaso si Baylosis.  Dugang pa ni Ligan nga dugay na kining modus ni Baylosis nga iyang enganyohon ang mga batan-on nga mangaon ug paimnon hangtod nga mahubog  ug ayha niini buhaton ang pagabuso kanila. /IBM (BANATNEWS)