TF Kasaligan gi-rapid test una i-deploy
CEBU, Philippines — Gipaubos sa rapid test kagahapong adlawa ang mga sakop sa Task Force K.A.S.A.L.I.G.A.N aron masiguro nga himsog sila sa dili pa ipakatap sa nagkalain-laing lugar sa siyudad sa Sugbo sumala pang Cebu City Police Office Director Police Colonel Josefino Ligan.
Dili gusto sa CCPO nga mapasanginlan ang task force nga nagsuroy-suroy sa kabarangayan aron mopatuman sa quarantine protocols unya mao hinuoy makapanakod sa virus.
“Kung naay mag positive sa rapid test i-undergo nato sila og swab dayon then isolate sa sila, waiting for the result kung negative balik sila i-reintegrate, i-deploy nato, ug positive isolate nato automatic dal-on nato didto sa Vicente Rama,” sigon ni Ligan.
Karong adlawa gikatakda nga magsugod ang deployment sa grupo ug dunay specific areas kun asa sila ibutang partikular ang mga barangay nga adunay mga positibo sa COVID-19.
Sila maoy mopahinumdom sa mga residente sa minimum health standards aron mapadayon ang pag-ubos sa kaso sa COVID-19 sa Cebu City ug arestuhon kadtong dili mopatuo.
“Reminding all the Cebu City residents this Task Force K.A.S.A.L.I.G.A.N members are also authorized to make arrest because there are policemen also in alongside sa ilaha mag-conduct og patrolya through citizen’s arrest of course,” ni Ligan pa.
Pipila sa mga barangay nga gipatutukan ang Bacayan, Suba ug Pasil human nakadawat sila og report nga ang mga tawo magtapok ug wala motuman sa physical distancing. /IBM (BANATNEWS)
- Latest
