Tulo ka menor nga giabusohan na-rescue sa mga polis
CEBU, Philippines — Duha ka babaye ug usa ka lalaki nga parehong menor de edad kinsa giingong gipang-abuso ang na-rescue sa Cebu City Police Office uban sa Regional Women’ and Children Protection Desk (WCPD) ug Department of Social Welfare and Development (DSWD)-7 kagahapon sa kadlawon diha sa San Carlos Heights, Barangay Quiot, Dakbayan sa Sugbo.
Ang suspetsado mao si Jose Nun?ez Baylosis Jr., 41-anyos, usa ka freelance contractor nga nagpuyo diha sa E. Sabellano Street, Barangay Pardo ang nasikop atol sa maong operasyon.
Si Police Colonel Josefino Ligan, hepe sa CCPO nibutyag nga nakadawat sila og report nga giingong ang suspetsado manguha kini og mga menor ug dalhon diha sa San Carlos Heights diin anha niya pahimuslan pinaagi sa pagkighilawas diin kuhaan niya kini og video.
Giingong ang mga menor kuhaan usab og hulagway sa suspetsado nga naghubo.
Matud ni Ligan nga sa dili pa pahimuslan sa suspetsado ang madala niining bata pakan-on una niya kini ngadto sa mga mahalon nga kan-anan sa Siyudad sa Sugbo ug paimnon og ilimnon nga makahubog aron makuha niya ang pagsalig sa iyang biktimahon.
“Ang information nga among nakuha ani niya is dugay nani iyang ginabuhat diay nga manguha siya’g minor iyang dalhon somewhere sa San Carlors Heights, he will ask them to have sex then video-han niya”, matud ni Ligan.
Nasakmit sa kapolisan gikan sa suspetsado ang tulo ka mahalon nga cellular phone diin gi-turnover kini ngadto sa Regional Anti-Cyber Crime Unit- 7 aron masusi.
Ang suspetsado mag-atubang kini og kasong kalapasan sa Akta Republika 9208 kun Anti-Trafficking in Person nga gi-amendar sa Akta Republika 10364 kun Expanded Anti-Trafficking in Persons”. /BDB (BANATNEWS)
- Latest