Sundawo patay sa disgrasya sa motorsiklo
CEBU, Philippines — Patay ang usa ka army nga sakay sa iyang motorsiklo human kini mibangga sa usa ka truck alas 12:05 Martes sa tungang gabii diha sa N. Bacalso corner F. Jaca St. Barangay Kinasang- an Dakbayan sa Sugbo.
Ang maong sundalo giila sa kapolisan nga si CPL Leobert A Arroyo 31 anyos taga Quinabcaban, Dao, Capiz
Samtang ang nag maniho sa trailer truck mao si Joseph C Mina 42 anyos residente sa Tindog Medellin Cebu.
Matud pa ni Police Executive Master Sargeant Ramil Chavez traffic investigator sa Pardo Police Station nga gikan sa south nga bahin ang sundalo sakay sa iyang motorsiklo paingon sa Dakbayan sa Sugbo samtang ang trailer truck paliko sa Dalan F. Jaca.
Dugang pa ni Chavez nga kusog kaayo nag padagan sa iyang motor si Arroyo hinongdan nabangga kini sa walang bahin sa gimaniho nga trailer truck ni Mina.
Ang biktima nga si Arroyo naka angkon og grabing samad og bun-og sa nagkadaiyang parte sa lawas og daling gidala sa tambalanan apan gideklarar kini nga Dead On Arrival kun DOA.
Si Mina anaa karon gitanggong sa Pardo Police Station samtang nag paabot sa tukmang kaso nga ipasaka batok kaniya. /MEL (BANATNEWS)
- Latest