Tourists destinations sa Cordova, Badian mobalik na sa operasyon
CEBU, Philippines — Gibuksan na balik sa lungsod sa Cordova ang tourism activities niini kagahapon.
Sa pagbukas sa turismo sa lungsod duha ka tour package ang gi-offer niini,ang Dance with the Marine Life sa Gilutongan Marine Sanctuary ug Sing with the Mangroves sa Nalusuan Island.
Si Cordova Mayor Mayor Mary Therese Sitoy-Cho nagkanayon nga dako ang matabang niini alang sa mga resiidente sa lungsod sama sa kababayen-an, person with disability ug motorbanca operators nga naapektohan sa pandemya sa covid-19.
“Kahibalo ta nga naa pa ang virus, kahibalo ta nga naa pa ang atong kaaway nga dili nato makita, but we have to move on, we have to resuscitate our economy. So we just have to follow protocols and guidelines,” matud ni Sitoy-Cho.
Sa pikas bahin, nangandam na ang lungsod sa Badian alang sa pagbukas balik sa usa sikat nga tourist destination, ang Kawasan Falls.
Si Donald Villarin ang tourism officer sa Badian nagkanayon nga hinoon dili pa pwede kaligoan ang falls ug buksan kini alang lang una sa ‘sightseeing activities’ tungod sa pandemya nga dala sa coronavirus disease.
“The new booking system to visit this tourist attraction will ensure that there will be no crowds and you will be able to enjoy the sights with little disturbance from others or worries about social distancing,” matud ni Villarin sa iyang Facebook post. Walay pagkaon ug imnunon nga ibaligya sa sulod aron paglikay nga adunay pagtapok sa mga yawo didto matud pang Villarin.
Alang sa mga moadto sa Kawasan Falls sa lungsod Badian, kinahanglan mo book una sila online pinaagi sa website nga www.discover.cebu.gov.ph. /IBM (BANATNEWS)
- Latest