Minors nangawat og biseklita
CEBU, Philippines — Nangadakpan ang duha ka lalaki ug upat ka menor de edad kinsa giingong nangawat og bisekleta sa Barangay Lawaan 3, Dakbayan sa Talisay niadtong Domingo sa gabii.
Si Police Major Gerard Ace Pelare, hepe sa Talisay City Police Station, nagkanayon nga pipila na ka tawo ang nireklamo sa pagpangawat og bisekleta hangtud nga usa ka biktima nga si Abrinica Lambo, 38, nitawag kanila aron magpatabang kay ang iyang bisekleta gikawat.
Sa pagtubag sa kapolisan ilang naabtan ang mga suspek nga sila si Arnel Sabroso, 20; John Dave Lastimosa Abendar, 22, ug ang upat ka menor de edad nga nagmaneho sa bisekleta.
Wala magdugay nadakpan gyud ang duha ka hamtong samtang gi-rescue ang mga menor de edad.
Nagtuo ang kapolisan nga sila ang responsable sa pipila ka kawat sa bisekleta sa niaging semana.
Gani ang mga dinakpan nitug-an sa mga awtoridad nga ang ilang makawat nga bisekleta ilang ipundo lang una sa usa ka lugar hangtud makakita og buyer.
Ang mga hamtong gibalhug sa bilanggoan samtang ang mga menor de edad ang gitugyan ngadto sa Department of Social Welfare and Development. /GMR (BANATNEWS)
- Latest
