Tropical Depression Ferdie migawas na sa PAR
CEBU, Philippines — Tropical Depression Ferdie hingpit nang nigawas sa Philippine Area of Responsibility PAR ug paingon kini sa China.
Kini ang gitug-an ni Engr. Al Qublat, pangulo sa Philippine Atmospheric, Geophysical and Astronomical Services Administration PAGASA nga nahinabi sa Banat News.
Matud pa ni Quiblat, hingpit nang nakagawas si Ferdie sa PAR, apan Lunes hangtod sa Biyernes, makasinati gihapon kita ug panagsa nga dag-om nga kalangitan, inubanan, sa pat-ak pat-ak nga ulan ug dunay higayon kusog ang ulan.
Masinati usab ang panogdog ug kilat, hinay ngadto sa kasarangan nga hangin ug adunay kasarangan ngadto sa baloron nga kadagatan.
Ang temperatura nga natala sa adlaw nga Lunes 26 ngadto sa 31 degree celsius ug Heat Index nga 38 degree celsius.
Samtang giawhag ni Quiblat ang katawhan nga magpabilin lang sa ilang mga balay kung walay importante nga buhaton sa gawas ug kanunay nga mosunod sa mga gipatuman nga health protocols. /MEL (BANATNEWS)
- Latest