LTO-7 molusad sa Driver`s Education Center
CEBU, Philippines — Land Transportation Office-7 molusad sa Drivers Education Center (DEC) aron sa pagtabang sa mga kabus nga dili makagasto alang sa pribadong driving school. Ang maong Driver’s Education Center maoy una sa rehiyon human kini mo- accredit sa 23 ka mga private driving schools nga nagtanyag og driving course.
Matud pa ni LTO-7 Regional Director Victor Emmanuel Caindec nga ang maong proyekto matawag ug public driving school alang sa mga kabus apan deserving nga mga aplikante nga dili maka afford sa pribadong driving school.
Ang mga mo- enroll niini makabaton og lisensya ingon man certification.
Ang DEC sa LTO-7 anha ipahimutang sa ilang kasamtangan nga buhatan sa Cebu City District Office sa may N. Bacalso Avenue ning Dakbayan sa Sugbo.
Maka-accommodate lang sila og 10 ka aplikante matag session tungod kay ipatuman man usab nila ang health protocols sama sa social distancing.
Alang sa detalye aron makakuha sa mga rekisitos mahimo motan-aw sa mga gi-post sa facebook page sa LTO-7. /MEL (BANATNEWS)
- Latest