Kapin 3 mil ka mga lsi ug OFWs nakadawat og hinabang sa DSWD-7

CEBU, Philippines — Kapin sa 3mil ka mga Locally Stranded Individual ug Overseas Filipino Workers gikan sa nagkadaiyang lugar sa Central Visayas ug Manila ang nakadawat ug financial assistance sa Department of Social Welfare and Development kon DSWD-7.

Sa gipagawas nga taho sa maong buhatan niabot ngadto sa 6,097,500.00 pesos ang ilang nahatag ngadto sa 3,214 ka  individuals ug 7,535 ka mga tawo usab ang nakadawat sa hotmeals ug non-food items sama sa hygiene kit nga nibalor ngadto sa 813, 200.89

Ang maong programa kabahin kini sa Hatid Tulong program diin tipik kini sa initiative sa mga nagkadaiyang ahensya sa gobierno nga nagtabang sa pag transport sa mga OFWs, LSI nga makabalik sa ilang nagkadaiyang  probinsya.

Ang DSWD-7 nagpakatap usab ug mga flyers ug nihimo ug brief orientation may kalabutan sa depression, anxiety, stress scale aron masiguro ang mental health status sa namauli nga OFWs. /MEL (BANATNEWS)