BFAR midili sa pagkaon og kinsahon tungod sa red tide
CEBU, Philippines — Nipahimango ang Bureau of Fisheries and Aquatic Resources BFAR-Central Visayas sa publiko nga dili mokaon ug kinhason gikan sa Tambobo Bay ug Bais Bay sa Negros Oriental tungod sa nabantayan nga red tide toxin.
Kini human migawas ang resulta sa ilang pakisusi sa BFAR laboratory sa kaulohan diin nasuta nga dunay gitawag og paralytic shellfish poison o mas naila sa tawag nga red tide ang ilang nakuha nga mga samples.
Ang rehiyonal nga director sa BFAR-7 Dr. Allan Poquita naghangyo sa komunidad sa dili pagkaon, pagpanguha ug pagbaligya sa mga kinhason sa nahisgutang dapit.
Dugang pa ni Poquita, angayan usab nga kuhaan ug hasang ug tinai sa dili pa lutoon ang mga isda nga makuha gikan sa lugar.
Si Dr. Florencia Mepaña. Negros Oriental Provincial Fishery Officer nitug-an padayon ang ilang hugot nga pagmonitor uban sa provincial government ilabi na sa mga dagkung sapa ug kadagatan lakip na ang shellfish sites sa probinsya.
Ang duha ka lugar sa negros nalakip sa listahan sa mga dapit nga apektado sa red-tide sa nasud nga naglakip usab sa Lungsod sa Dauis ug Tagbilaran City sa Bohol. /MEL (BANATNEWS)
- Latest