4 milyones pesos nga balor sa marijuana nalarot sa Toledo

CEBU, Philippines — Mokabat sa 4 milyones pesos nga balor sa Marijuana ang nalarot sa hiniusa nga operasyon sa Kapulisan ug PDEA7 sa may Sitio Buyo, Barangay Capitan Claudio, Dakbayan sa Toledo, alas onse sa buntag adlaw nga martes.

Ang operasyon sa mga tinugyanan sa CPPO-PIU gipangulohan ni PLT COL Randy Korret, uban sa mga sakop sa CCPO-1st PMFC, PDEA7, NAVFORCEN ug Toledo City Police Station.

Moabot sa 10, 150 ka mga fully grown marijuana  ang nalarot sa mga otoridad nga didto gitanum sa 750 sqm nga plantation site ug mokantidad kini og 4, 060,000. Samtang  nakabantay ang mga subject ug daling naka-ikyas.

PIpila usab ka semana ang gihimo nga pagpaniid sa kapulisan una natigayon ang ilang hiniusang operasyon.

Kalapasan sa section 16, Article II of RA 9165 ang giandam nga kaso batok sa mga naka-ikyas nga suspetsado. /MEL (BANATNEWS)