Nangaayo sa Cebu City lapas na 5 mil

CEBU, Philippines — Niabot na og 5,075 ang total recoveries sa novel coronavirus disease (COVID)-2019 sa Dakbayan sa Sugbo base sa datos nga gipagawas sa Department of Health(DOH)-7 niadtong adlaw’ng Martes Hulyo 28, 2020.

Ang Siyudad sa Sugbo ang dunay pinakadaghan og kaso sa COVID-19 sa Central Visayas mao nga makaduha na kini gipaubos sa enhanced community quarantine ug gitutokan sa Inter-Agency Task Force.

Ang IATF Cebu sukad niadt mimando nga tanang magpositibo sa COVID-19 dad-on , bisan asymptomatic dad-on dayon sa mga isolation centers nga gitukod sa siyudad aron sila didto maatiman ug matambalan ug dili makatakod sa uban sa ilang komunidad.

Sa datos sa DOH-7 ang Cebu City dunay 8,813 ka total confirmed cases sa COVID-19 diin 5,075 niini ang nangaayo na samtang 3,266 ang total active cases ug 472 ang total deaths.

Ang mga naigo sa COVID-19 nga dunay mild symptoms anaa karon Cebu City Quarantine Center, Bayanihan Field Center sa Sacred Heart School ug field Center sa IEC Convention Center samtang ang mga asymptomatic anaa gibutang sa Barangay Isolation Centers ug New Normal Oasis for Adaptation and a Home (NOAH) Complex diha sa South Road Properties.

Diha sa maong mga pasilidad sila atimanon hangtod nga magnegatibo sila sa maong virus ug makapauli na og balik sa ilang mga panimalay. (BANAT NEWS)