Lalake patay sa pagpamusil sa Dakbayan sa Toledo
CEBU, Philippines — Patay ang usa ka 31anyos nga lalaki human kini gipusil sa wala mailhing lalaki samtang nagsakay sa iyang motor sa may Barangay Cabitoonan, Dakbayan sa Toledo, niadtong Sabado sa hapon.
Ang nakalas naila nga si Ryan Menchavez, taga Luray 1, Barangay Poblacion sa maong dakbayan.
Base sa pasiunang imbestigasyon, ang biktima nga si Menchavez giingong gikan sa usa ka breeding farm sa may Sitio Looc, Barangay Bato ug padulong kini sa Barangay Poblacion dihang gipusil sa usa ka lalake nga nagsakay og usa ka sakyanan.
Suma pa ni Police Staff Sergeant Jonathan Cuizon, sa Toledo City Police Station nga padayon pa sila karon nga nag-imbestigar sa maong pagpamusil ug nangita pa sila og dugang mga saksi sa maong krimen.
Lakip usab sa gisusi sa kapulisan mao ang motibo sa pagpatay sa biktima ug ang background niini. /MEL (BANATNEWS)
- Latest