Opisyales sa Mambaling gipaesplikar

CEBU, Philippines — Mi-serve og laing show cause order ang Department of Interior and Local Government (DILG)-7 kang Mambaling Barangay Captain Gines Abellana ug miyembro sa Sangguniang Barangay sa matod pa pagbalewala sa minimum public health standards.

Sa order nga dunay petsa July 20, si DILG Director Leocadio Trovela mipa –esplikar kanila nganong wala nila mapatuman ang mga direktiba batok sa COVID-19.

Ang kamandoan gihatud kagahapon ni Atty. Christian Fernandez sa DILG-7 nga gibase sa mga videos ug mga hulagway nga gi-post niadtong Hulyo 13 ug 18 sa social media ug sa mga pamantalaan sa mga tawong wa magsuot og facemask ug wa nag social distancing ug duna pa gyuy mga nagtapoktapok sa gawas sa balay.

Ang mga residente  video ug mga hulagway taga Sitio Alaska, mga bata nagduwa ug ang uban giingong nagpasampok og manok.

Duna say mga hulagway sa mga residente nga nangaligo duol sa construction site sa Cebu's third bridge diha sa South Road Properties.  Ang DILG-7 naka-issue na og 12 ka show cause orders batok sa mga Cebu City Barangay officials sa Basak San Nicolas, Calamba, Inayawan, Guadalupe, Basak Pardo, Cogon Pardo, Sto. Nin~o, San Nicolas Proper, Capitol Site, Bulacao, ug Mambaling. /IBM (BANATNEWS)