37 ka PDL gipaubos sa drug test sa Dakbayan sa Lapu-Lapu
CEBU, Philippines — Gipaubos sa kinalit nga drug test ang 37 ka mga Person Deprive of Liberty kinsa nipahimus sa plea bargaining agreement ug kliyente sa City of Lapulapu Office for Substance Abuse Prevention kun CLOSAP..
Kini ang gitug-an ni Garry Lao, ang pangulo sa CLOSAP sa Dakbayan sa Lapu- Lapu.
Matud pa ni Lao nga nipahigayon sila ug surpise drug test sa ilang mga kliyente nga mga PDL aron masayran kung aduna pa gihapon nila ang nigamit sa illegal nga drugas.
Atol sa pagpahigayon sa ilang drug test ni-obserbar sila gihapon sa mga health protocols ug ang pagsunod sa social distancing ingon man pagsul-ob og facemask sa tanang higayon.
Dugang pa ni lao, magpaabot pa sila ug resulta sa maong drug test, ug aduna pa silay himoon pa nga mga kalihukan apan dili pa niya mabutyag kung unsa kini nga mga lakang. /MEL (BANATNEWS)
- Latest