22 ka polis apil isip contact tracer

CEBU, Philippines — Nikabat sa 22 ka polis ang gilakip nga mahimong contact tracer sa mga nagpositibo sa covid-19 sa Dakbayan sa Talisay.

Matud ni Police Major Gerard Ace Pelare, hepe sa Talisay City Police Station nga ang paagi sa contact tracing susama lang sa pag-imbestigar og usa ka kaso. Uban sa kapolisan mao ang mga health worker diin gisugdan na ang ilang training kagahapon. Ang Talisay gipaubos gihapon kini sa general community quarantine (GCQ) nga gihangop usab ni Mayor Gerald Anthony “Samsam” Gullas Jr.

Matud ni Gullas nga magpadayon ang ilang hugot nga pagpatuman sa mga safety protocol aron mamenos na ang kaso sa covid-19 sa dakbayan. Si Gullas ug si Brigadier General Albert Ignatius Ferro, direktor sa Police Regional Office (PRO)-7 nagsabot alang sa pagpatuman sa hugot nga safety protocols. Gawas sa kapolisan pabilin ang mga kasundalohan sa siyudad aron sa pagtabang nga pabilin nga mag-stay at home ang katawhan. /BDB (BANATNEWS)