4.2 magnitude nga linog mitay-og sa Minglanilla

CEBU, Philippines — Kalit gitay-og ang kabuntagon sa mga Sugboanon kagahapong adlawa dihang milinog sud sa pipila ka segundos. Sumala pa sa Philippine Institute of Volcanology and Seismology ang linog tectonic ang gigikanan niini ug ang lokasyon Minglanilla Cebu nga may gikusgong magnitude 4.2

Ang pagtay-og nabatyagan sa  gikusgong intensity 4 sa Cebu City, Mandaue City, Talisay City ug Minglanilla. Samtang intensity 3 sa Naga ug Lapu-Lapu City,  intensity 1 sa San Fernando.

Daghan sa mga Sugbuanon ang nakabantay sa maong linog ug nahipugwat ang uban nga namahuway pa nianang mga tungora.

Atol sa pagpakisayud sa Banat News sa lungsod sa Minglanilla wala hinooy natala nga grabeng kadaut sa maong linog apan padayon pa kini nga gisusi. /IBM (BANATNEWS)