PNP-SAF, augmentation force magpabilin
CEBU, Philippines — Magpabilin gihapon sa Cebu City ang mga sakop sa PNP- Special Action Force (SAF) ug ang mga augmentation forces sa kapolisan gikan sa Police Regional Office (6 ug 8), ug mga silingan nga probinsya sa Central Visayas bisan pa man og Modified Enhanced Community Quarantine (MECQ).
Matud ni PRO7 Director Police Brigadier General Albert Ferro bisan og MECQ na ang siyudad, wala gihapoy kausaban sa mga quarantine protocols diha sa komunidad.
Magpadyon ang pagpatrolya sa kadalanan sa sakop sa kapolisan ug estrikto gihapon ang mga checkpoints, mosusi gihapon sila kung ang mga nanggawas nga mga tawo ug mga sakyanan aduna bay dala nga saktong mga papeles.
“Actually we will sustain the deployment of our patrols and checkpoints and we will be implementing the guidelines based on the MECQ standards for the whole Cebu City. Because we believe that the implementation of ECQ have somehow help improved the situation in Cebu City,” matud pa ni Ferro.
Ubos sa MECQ, kadto ra gihapong mga Authorized Person Outside Residence (APOR) ug mga essential workers ang gitugotang makagawas.
Ubos sa MECQ adunay mga kompanyang gitugotan nga magbukas ug madugangan ang mga trabahanteng makabalik sa trabaho. /IBM (BANATNEWS)
- Latest