Loan program sa mga jeepney operators gihikay na sa probinsya
CEBU, Philippines — Mamahimo na nga makakuha og moderno nga public utility vehicle (PUV) ang mga drayber sa jeep ug operators sa Probinsya sa Sugbo pinaagi sa loan program sa Probinsya sa Sugbo..
Kini human gipahibawo ni Governor Gwen Garcia pinaagi sa report sa Sugbo News, ang news portal sa Probinsya sa Sugbo, nga gilihok na ang pagpatuman sa programa alang sa pagpalit og moderno nga mga jeep. Subay kini sa Public Utility Vehicle Modernization Program (PUVMP) sa administrasyon ni Presidente Rodrigo Duterte.
Si Garcia nakigtigom ngadto sa mga representatives sa Land Bank of the Philippines (LBP) ug Development Bank of the Philippines (DBP) niadtong Hulyo 9 , diin siya nipadayag ngadto sa mga bangko sa iyang kagustohan nga mapa tuman na maong loan program. Ang mga driver og operator sa giawhag nga moumol sa ilang kooperatiba alang sa mas dali nga pag access sa financial institutions.
Sumala sa Land Transportation Franchising and Regulatory Board (LTFRB) 7 Director Eduardo Montealto Jr., 80 porsyento sa mga jeepney operators ug driver ang nag consolidate na ug ang nahabilin nga 20% nipadayag na sa ilang interest pag umol sa maong kooperatiba.
“We will do this fast kay wala’y income ni sila. Lisud og kutoy na ang tiyan,” matod ni Garcia sa report sa Sugbo News.
Sumala sa gobernador nga ang pagpatuman sa PUVMP atol sa pandemya, timing ra tungod kay mamahimo kini nga makapausab sa mindset sa mga jeepney operator pag adopt sa moderno nga PUV alang sa safety ug convenience sa mga pasahero.
Matod sa gobernador nga ang modero nga PUV gidesinyo kini nga eco-friendly, road-worthy ug convenient sa mga commuters.
Niawhag usab si Garcia ngadto sa mga banko nga paubsan gikan sa kasamtangang 7 porsyento nga interest rate per annum ngadto sa 5 percent.
Ang mga representante sa banko mipasalig nga hatagan og unang pagtagad ang maong programa. /MEL (BANATNEWS)
- Latest