Bise Mayor Mike Rama supak nga gamiton na ang CCMC

CEBU, Philippines — Giawhag ni Vice Mayor Michael Rama sa Dakbayan sa Sugbo ang Executive Department, paghunong usa sa bidding sa lima ka gatos ka milyon ka pesos nga budget sa Cebu City Medical Center kon CCMC.

Matud pa ni Rama, wala siya mopabor sa plano sa contractor sa CCMC nga dalion ang paghuman sa tulo ka andana sa ospital tungod kay napulo kini ka andana.

Una niini gikatahu nga ang kagamhanan sa syudad mo-award na sa sunod semana sa 100 million contract aron paghuman na sa unang tulo ka andana sa CCMC building. Dugang pa sa bise mayor, ang plano mao nga ang CCMC, himoon nga level 3 hospital nga kompleto sa Specialized Laboratories ug services sama sa Dialysis, ICU ug Rehab Centers. Nagkanayon si  Rama, ang Dakbayan kinahanglan mo-review sa kausaban sa plano sa maong tambalanan, ilabi na panahon sa administrasyon ni kanhi Mayor Tomas Osmeña diin daghan kaayo ang mga giusab.

Ang bise mayor, nagtuo nga ang construction sa CCMC angayan mosubay sa original nga konsepto aron ang mga Sugbuanon makabaton usab ug competitive public hospital. /MEL (BANATNEWS)