Libreng vitamins ug flu vaccines gitinguha ni Konsehal Dizon
CEBU, Philippines — Konsehal Alvin Dizon sa Dakbayan sa Sugbo, miawhag sa kagamhanan sa syudad nga tun-an ang posibleng paghatag ug libreng vitamins o supplements ingon man flu vaccinations sa mga molopyo sa Dakbayan.
Ang maong hangyo ni konsehal Dizon iyang giluwatan nonot sa pagsaka sa kaso sa covid-19 sa siyudad nga miabot ngadto sa 5,989 hangtod sa hulyo 4, 2020
Sumala pa ni Dizon, ang immune system sa tawo nagpresentar sa unang line of defense batok sa viral infection hinungdan nga kinahanglan ma edukar ang katawhan sa ka importante sa pagpalig-on niini.
Lakip sa gisugyot ni konsehal Dizon ngadto kang Mayor Edgardo Labella mao ang pag apod apod ug mga healthy o masustansyang pagkaon nga ilakip sa relief assistance o ayuda nga ihatag sa dakbayan.
Tinguha ni dizon nga mahatagan kadtong mga vulnerable sector sa katilingban ilabi na ang mga kabus nga padayong nag antus gumikan sa covid-19 pandemic.
Malaumon ang konsehal nga mahatagan ug tubag ang iyang hangyo aron mapahimuslan gilayon kini sa katawhan. /MEL (BANATNEWS)
- Latest